AZƏRBAYCAN “QALATASARAY”-“YUVENTUS” GÖRÜŞÜNÜN İŞTİRAKÇILARINI QƏBUL ETMƏYƏ HAZIRDIR

27.11.2003 [22:34]
Çap et
A⁺ A^-

İstanbulda çoxsaylı insan tələfatına səbəb olmuş terror aktları ilə əlaqədar, Türkiyə Futbol Federasiyasının Çempionlar liqası oyunları iştirakçılarının təhlükəsizliyinə təminat verməsinə baxmayaraq, UEFA rəhbərliyi Türkiyənin “Qalatasaray” və “Beşikdaş” klubları ilə İtaliyanın “Yuventus” və İngiltərənin “Çelsi” komandaları arasında görüşlərin başqa ölkədə keçirilməsi haqqında qərar qəbul etmişdir. UEFA “Qalatasaray”-“Yuventus” oyununun Almaniyada, yaxud Azərbaycanda keçirilməsi məsələsinə baxır.

Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, Azərbaycan təhlükəsizlik üçün müvafiq tədbirlər görüləcəyinə təminat verir və bu görüşün iştirakçılarını qəbul etməyə hazırdır. Bundan ötrü ölkədə bütün lazımi şərait var – Tofiq Bəhramov adına Respublika stadionu UEFA standartlarına cavab verir. İtaliya klubunun rəhbərliyi bildirmişdir ki, bu oyunun Bakıda keçirilməsinin əleyhinə deyildir, çünki ötən il Avropa çempionatının seçmə turniri çərçivəsində İtaliya yığma komandası Azərbaycan yığma komandası ilə görüşmüşdür. Oyun yüksək səviyyədə keçmişdir.

AZƏRBAYCAN “QALATASARAY”-“YUVENTUS” GÖRÜŞÜNÜN İŞTİRAKÇILARINI QƏBUL ETMƏYƏ HAZIRDIR

MÜƏLLİFLƏ ƏLAQƏ

Bölmənin digər xəbərləri