AZƏRBAYCAN RESPUBLİKASI XARİCİ İŞLƏR NAZİRLİYİNİN MƏTBUAT MƏRKƏZİ XƏBƏR VERİR
2002-ci il aprelin 18-də Azərbaycan Respublikasının xarici işlər naziri Vilayət Quliyev Qırğızıstan Respublikasının ölkəmizə təyin olunmuş fəxri konsulu Ziyada Hüseynovu qəbul etmişdir.
Nazir Vilayət Quliyev fəxri konsulu yeni təyinatı ilə təbrik edərək iki ölkə arasındakı münasibətlərin möhkəmlənməsi və əlaqələrin genişlənməsi üçün diplomatik xidmət sahəsindəki təcrübəsindən istifadə edəcəyinə və bu istiqamətdə səmərəli əməkdaşlığın davam etdirilməsinə ümidvar olduğunu bildirmişdir.
Öz növbəsində Ziyada Hüseynov Qırğızıstan ilə Azərbaycan arasındakı münasibətləri yüksək dəyərləndirmiş və ölkəmizdəki fəaliyyəti dövründə ikitərəfli əlaqələrin inkişafı üçün var qüvvəsini əsirgəməyəcəyini vurğulamışdır.
Sonra Ziyada Hüseynov öz fəxri konsulluq patentini nazir Vilayət Quliyevə təqdim etmişdir.
Söhbət zamanı qarşılıqlı maraq doğuran bir sıra məsələlər müzakirə olunmuşdur.
Bölmənin digər xəbərləri
