AZƏRBAYCAN RESPUBLİKASININ BAŞ NAZİRİ ZATİ-ALİLƏRİ CƏNAB İLHAM ƏLİYEVƏ
Azərbaycan Respublikasının Prezidenti vəzifəsinə seçilməyiniz münasibətilə səmimi təbriklərimi qəbul edin.
Ötən seçkilərin inandırıcı yekunları seçicilərin mənafelərinin müdafiəsi sahəsində fəaliyyətinizə verilən yüksək qiymətdir. Respublikanın sakinləri Sizi dəstəkləməklə, bir rəhbər kimi, iqtisadi islahatların ardıcıl tərəfdarı kimi layiqli nüfuza malik olduğunuzu təsdiqlədilər. Şübhə etmirəm ki, tükənməz enerjiniz, böyük təşkilatçılıq təcrübəniz Azərbaycanın bundan sonra inkişaf etdirilməsi, tərəqqisi və rifahının yüksəlməsi proqramını həyata keçirməkdə Sizə yardımçı olacaqdır.
Sizə səmimi qəlbdən möhkəm cansağlığı, enerji və nikbinlik, bütün ən cəsarətli layihələrinizin həyata keçməsini, yaxın adamlarınıza isə xoşbəxtlik və sevinc arzulayıram.
Hörmətlə,
Boris Titov
“Solvalyub” şirkətinin prezidenti
27 oktyabr 2003-cü il.
Bölmənin digər xəbərləri
