AZƏRBAYCAN RESPUBLİKASININ PREZİDENTİ
ZATİ-ALİLƏRİ CƏNAB İLHAM ƏLİYEVƏ
Müstəqil Azərbaycan dövləti bu gün sözün həqiqi mənasında hərtərəfli və dinamik inkişaf yolundadır. Üzümüzə açılan hər səhəri yeni uğurlar və nailiyyətlərlə qarşılayırıq. İqtisadi, sosial, mədəni sahələrdə həyata keçirilən köklü islahatlar öz bəhrəsini verir, əhalinin rifahı günbəgün yaxşılaşır.
Ümummilli liderimiz Heydər Əliyevin siyasi xəttinin layiqli davamçısı kimi Sizin apardığınız məqsədyönlü siyasət ictimai tərəqqiyə yeni təkan verməklə, Azərbaycanın inkişaf perspektivləri üçün hərtərəfli təminat yaradır. Bu siyasət xalqımızın ümummilli maraqlarına əsaslanaraq, cəmiyyətin bütün sosial təbəqələrinin mənafelərini özündə əks etdirir.
Bu gün nəinki paytaxtımızda, eləcə də regionlarda müşahidə edilən dinamik inkişaf sosial problemlərin həllini sürətləndirir, şəhərlər, kənd və qəsəbələr görkəmini dəyişir, insanların rahatlığı təmin olunur. Bütün bu işlər lokal şəkildə deyil, kompleks halında və dövlət qayğısı ilə həyata keçirilir. Ölkə iqtisadiyyatının inkişafını sürətləndirməklə əhalinin sosial müdafiə sisteminin daha da təkmilləşdirilməsi, iqtisadi infrastrukturun dünya standartlarına uyğun olaraq formalaşdırılması üçün Azərbaycan transmilli iqtisadi layihələrin həyata keçirilməsi yönündə çevik xarici siyasət aparır. Ölkəmizdə TRASEKA, Bakı-Tbilisi-Ceyhan neft və Bakı-Tbilisi-Ərzurum qaz boru xətləri kimi nəqliyyat və kommunikasiya şəbəkələrinin reallaşmasında və inkişafında nəhəng işlər görülür.
Ötən iki il ərzində 300 mindən artıq iş yerinin açılması, əhalinin məşğulluq səviyyəsinin yüksəlməsi, infrastrukturun bərpa edilməsi, ölkə iqtisadiyyatında özəl sektorun xüsusi çəkisinin nəzərəçarpacaq dərəcədə artması, Azərbaycana xarici sərmayə axınının güclənməsi bir daha sübut edir ki, xalqımızı xoşbəxt gələcək gözləyir.
Cənab Prezident!
Respublikanın ərazi bütövlüyünün, suverenliyinin və konstitusiya quruluşunun müdafiəsi zamanı əlil olmuş, habelə digər səbəblərdən fiziki məhdudiyyətli şəxslərin sosial müdafiəsi və rifahının yaxşılaşdırılması üçün görülən tədbirlər, o cümlədən Əmək və Əhalinin Sosial Müdafiəsi Nazirliyi tərəfindən minədək insanın mənzil və fərdi evlərlə, min beş yüzdən artıq əlilin pulsuz avtomobillərlə, ehtiyacı olanların hamısının protez və digər reabilitasiya vasitələri ilə təmin edilməsi, onların sağlamlığının qorunması, müalicə ilə əlaqədar yol və digər xərclərdən azad olunması məqsədi ilə Gəncədə, Əli Bayramlıda, Naxçıvanda, Sumqayıtda və Şəkidə müasir avadanlıqla təchiz edilmiş reabilitasiya mərkəzlərinin tikilib istifadəyə verilməsi regionların sosial-iqtisadi inkişafı Dövlət Proqramından irəli gələn və bu qəbildən olan insanların sağlamlığı naminə gördüyünüz tədbirlərin bariz nümunəsidir.
Sevindirici haldır ki, reabilitasiya imkanlarının genişləndirilməsi nəticəsində ötən illərdə müalicəsi yalnız xaricdə mümkün olan əlillərimizin çoxunun artıq ölkənin özündə müalicə olunmasına şərait yaradılmış, əlilliyin ağırlaşmasının dinamikası zəifləmiş, tam və hissəvi reabilitasiya göstəriciləri yaxşılaşmışdır.
Zati-aliləri!
Əldə olunan nailiyyətlər deməyə əsas verir ki, Sizin rəhbərliyiniz ilə həyata keçirilən, ümumən ölkə üçün əhəmiyyətli olan səmərəli və məqsədyönlü sosial müdafiə tədbirləri ilbəil daha geniş vüsətlə davam etdiriləcəkdir. Bir daha Sizə dərin minnətdarlığımızı bildirir, Sizi qarşıdan gələn Mübarək Qurban bayramı münasibətilə təbrik edir, Azərbaycanın iqtisadi qüdrətinin möhkəmləndirilməsi, xalqımızın xoşbəxt və firavan həyata qovuşması üçün apardığınız işlərdə müvəffəqiyyətlər diləyirik.
Zati-alinizə dərin hörmətlə,
Qarabağ Əlilləri, Şəhid Ailələri və Veteranları İctimai Birliyi Lənkəran rayon təşkilatının sədri - Əliyev Əbülfət Sahib oğlu
Müharibə, Əmək və Silahlı Qüvvələr Veteranları Şurası Lənkəran rayon şöbəsinin sədri - Əzimov Musarza Mirzəcan oğlu
Azərbaycan Vətən Müharibəsi Veteranları Birliyi Lənkəran zona şöbəsinin sədri - Ağayev Əlisəfa Ağəmməd oğlu
Şəhid Anaları Cəmiyyəti rayon şöbəsinin sədri - Əliyeva Züleyxa Heydər qızı
Çernobıl Əlilləri Cəmiyyəti rayon şöbəsinin sədri - Ağayev Azad Əsab oğlu
Əfqanıstan Veteranları İttifaqı Lənkəran rayon şöbəsinin sədri - Quliyev Maarif Kamal oğlu.
Bölmənin digər xəbərləri
