AZƏRBAYCAN ŞAHMATÇILARI ALMANİYADA BEYNƏLXALQ TURNİRİN QALİBİ OLMUŞLAR
Bakı, 4 noyabr (AZƏRTAC). Almaniyanın Saarbryuken şəhərində keçirilən uşaqlar arasında beynəlxalq şahmat turniri başa çatmışdır.
Həlledici görüşdə “Azərbaycan-Makkabi” komandası Fransa yığmasını 2,5:1,5 hesabı ilə məğlub edərək turnirin qalibi adını qazanmışdır.
“Makkabi-Azərbaycan” mədəni idman cəmiyyətinin rəhbəri Gennadi Gelman bildirmişdir ki, beynəlxalq yarışda Azərbaycanla yanaşı, Almaniya, İspaniya, Rusiya və Fransadan olan şahmatçılar mübarizə aparmışlar. Azərbaycan komandasının şərəfini qoruyan Aqil Pirverdiyev, Zaur Abbasov, Arif Bayramov və Qubad İslamov qələbənin qazanılmasında böyük əzmkarlıq nümayiş etdirmişlər.
1-ci yerə layiq görülən Azərbaycan şahmatçıları kubok və qızıl medallarla təltif olunmuşlar. “Azərbaycan-Makkabi” komandası 2010-cu ildə İspaniyada keçiriləcək Avropa çempionatına vəsiqə əldə etmişdir.
Bölmənin digər xəbərləri
