AZƏRBAYCAN SƏFİRİ KÜVEYTİN NÜFUZLU “ƏL-VƏTƏN” QƏZETİNƏ MÜSAHİBƏ VERMİŞDİR
Müsahibədə Azərbaycanın ictimai-siyasi, iqtisadi, mədəni həyatı, tarixi keçmişi, hazırkı inkişaf dövrü ilə bağlı məqamlar öz əksini tapmışdır.
Səfir Ş.Abdullayev ölkəmizin ən ağrılı məsələsi olan Ermənistan-Azərbaycan, Dağlıq Qarabağ münaqişəsindən söz açaraq, problemin yaranma tarixi, Ermənistanin işğalçı və etnik təmizləmə siyasətinin dəhşətli nəticələri barədə danışmışdır.
Bildirilmişdir ki, Prezidenti İlham Əliyev neft-qaz sənayesinin inkişafı ilə yanaşı, qeyri-neft sektorunun, xüsusi ilə kənd təsərrüfatının, habelə bölgələrin ümumi inkişafına xüsusi diqqət yetirir. Diplomat Azərbaycanın təşəbbüsü və rəhbərliyi ilə regionda həyata keçirilən irimiqyaslı iqtisadi, infrasturktur lahiyələri haqqında suallara cavab vermişdir.
Azərbaycan-Küveyt əlaqələrinə toxunan Ş.Abdullayev bu münasibətlərin dərin tarixi köklərə malik olduğunu, Ermənistanın-Azərbaycan, Dağlıq Qarabağ münaqişəsi məsələsində Küveytin ölkəmizin haqq işini daim dəstəkləməsini yüksək qiymətləndirmişdir. O, iki ölkə arasında iqtisadi, siyasi, mədəni və turizm sahələrində əlaqələrin daha da inkişaf etdirilməsinin vacibliyini vurğulamışdır.
Bölmənin digər xəbərləri
