AZƏRBAYCAN ŞİRKƏTLƏRİ KARLSRUE SƏRGİSİNDƏ İŞTİRAK EDƏCƏKDİR
Azərbaycanda İxracın və İnvestisiyaların Təşviqi Fondundan AZƏRTAC-a bildirmişlər ki, aprelin 26-dan 28-dək Almaniyanın Karlsrue şəhərində “RESALE 2006” 12-ci beynəlxalq ticarət yarmarkası keçiriləcəkdir. Yarmarkada Azərbaycanın bir sıra şirkətləri, o cümlədən “Bakı Universal Maşınqayırma”, “Tovuz-Baltiya”, “Sataplas” şirkətləri də iştirak edəcəkdir. Bu şirkətlərin Almaniyaya səfərini Alman Texniki Əməkdaşlıq Cəmiyyəti (GTZ) Azərbaycanda İxracın və İnvestisiyaların Təşviqi Fondunun (AZPROMO) dəstəyi ilə təşkil edəcəkdir.
AZPROMO-nun prezidenti Emil Məcidov bildirmişdir ki, yarmarkada 100-dən çox ölkənin 10.000-dən artıq firma və şirkəti iştirak edəcəkdir.
Karlsrue yarmarkası avadanlığın qiymətinin və keyfiyyətinin əlverişli olması ilə fərqlənir. Azərbaycan şirkətləri Karlsrue yarmarkasından lazımi avadanlıq və ehtiyat hissələrini sərfəli qiymətlərlə ala bilərlər.
Bölmənin digər xəbərləri
