AZƏRBAYCAN TRASEKA NƏQLİYYAT DƏHLİZİ İLƏ DAŞIMALARDAN 40 MİLYON MANATDAN ÇOX GƏLİR ƏLDƏ ETMİŞDİR
Dövlət Statistika Komitəsindən AZƏRTAC-a bildirilmişdir ki, Azərbaycan 2008-ci ilin ilk üç ayında Avropa-Qafqaz-Asiya (TRASEKA) nəqliyyat dəhlizində daşımalardan 40 milyon manat gəlir əldə etmişdir.
Dəhlizin Azərbaycan hissəsində 7,5 milyon ton yük, 30,3 milyon nəfər sərnişin daşınmışdır. Yük daşınmasında dəmir yolu nəqliyyatının payı 54 faiz, avtomobil nəqliyyatının 32,4 faiz, dəniz nəqliyyatının 13,6 faiz olmuşdur.
Daşımalardan əldə edilmiş gəlir əvvəlki ilin eyni dövrü ilə müqayisədə 11,7 faiz çoxdur. Gəlirlərin yaranmasında dəmir yolu nəqliyyatı 61,1 faizlik paya malikdir. Dəhliz vasitəsilə bu nəqliyyat növləri ilə daşınmış yüklər ölkənin nəqliyyat sektorunda daşınmış bütün yüklərin 27,9 faizini təşkil etmişdir.
Bölmənin digər xəbərləri
