Azərbaycan U-21 yığmasının Bakıda təlim-məşq toplanışı keçiriləcəkdir
Bakı, 16 may (AZƏRTAC). Xəbər verdiyimiz kimi, Avropa çempionatının seçmə mərhələsi çərçivəsində iyunun 8-də AFFA Futbol Mərkəzindəki “Dalğa Arena”da Azərbaycanın U-21 yığması Makedoniya millisi ilə qarşılaşacaqdır.
AFFA-dan AZƏRTAC-a bildirmişlər ki, 21 yaşadək futbolçulardan ibarət Azərbaycan yığma komandasının mayın 27-dən iyunun 8-dək Bakıda təlim-məşq toplanışı keçiriləcəkdir.
Toplanışa Mirhüseyn Seyidov, Elvin Yunuszadə, Tərlan Quliyev, Kərim Diniyev, Emil Balayev (hamısı “Neftçi”), Hacı Əhmədov, Tural İsgəndərov (hər ikisi “Qarabağ”), Şəhriyar Əliyev, Nurlan Novruzov (hər ikisi “Bakı”), Amit Quluzadə, Urfan Abbasov (hamısı “Qəbələ”), Murad Ağayev, Slavik Alxasov, Rəşad Eyyubov, Nicat Qurbanov (hamısı “Simurq”), Orxan Sadıqlı (“Xəzər-Lənkəran”), Abdulla Abasiyev (“İnter”), Andriy Popoviç (“Turan”), Ruslan Tağızadə (AZAL), Taşkın İlter (“Eintracht Braunschweig”, Almaniya), Fatih Şanlı (“Bergisch Gladbach 09”, Almaniya) və Timur Temeltaş (“Kaiserslautern”, Almaniya) dəvət olunmuşlar.
Qeyd edək ki, “Neftçi” və “Xəzər-Lənkəran” klublarının futbolçuları (Mirhüseyn Seyidov, Tərlan Quliyev, Elvin Yunuszadə, Kərim Diniyev, Emil Balayev, Orxan Sadıqlı) U-21-in düşərgəsinə mayın 29-da qoşulacaqlar.
Bölmənin digər xəbərləri
