AZƏRBAYCAN VƏ TÜRKİYƏ GƏNCLƏRİNİN BİRGƏ TOPLANTISI
Tədbirdən öncə qardaş ölkənin nümayəndə heyəti mərkəzin müdiri, Milli Məclisin deputatı Nizami Cəfərov ilə görüşdü.
Toplantıda Ədalət və İnkişaf Partiyası Gənclər Birliyinin sədri Hakan Tütünçü, Yeni Azərbaycan Partiyası Gənclər Birliyinin sədri Ramil Həsənov, Dünya Gənc Türk Yazarları İctimai Birliyinin sədri Əkbər Qoşalı, Türkiyə Universitetləri Məzunları İctimai Birliyinin sədri Çingiz Bayramov və başqaları çıxış edərək tarixi, etnik və dini köklərə, vahid milli yaddaş birliyinə söykənən Türkiyə-Azərbaycan dostluq əlaqələrinin dahi şəxsiyyətlər Atatürk və Heydər Əliyevin ideyaları ətrafında möhkəmlənməsindən danışdılar.
Xatırladıldı ki, ölkələrimizin inkişafına, dünyada və regionda nüfuzunun artmasına hər vəchlə mane olmağa çalışan erməni şovinist dairələri ötən əsrin əvvəllərində daşnakların Şərqi Anadoluda və Azərbaycanda türklərə qarşı törətdikləri vəhşilikləri ört-basdır etmək məqsədi ilə uydurma “erməni soyqırımı” iddiasını ortaya atmışlar. Təəssüflər olsun ki, bəzi ölkələrin parlamentləri ermənilərin bu uydurmalarını dəstəkləyir. Buna etiraz olaraq, toplantı iştirakçıları adından ümumi bəyanat hazırlandı və beynəlxalq təşkilatlara göndərilməsi qərara alındı.
Bölmənin digər xəbərləri
