AZƏRBAYCAN XALQ CÜMHURİYYƏTİNİN 90 İLLİK YUBİLEYİ ŞEİR BAYRAMI İLƏ QEYD EDİLMİŞDİR
AZƏRTAC xəbər verir ki, Nərimanov rayonundakı 36 nömrəli orta məktəbdə Azərbaycan Xalq Cümhuriyyətinin 90 illik yubileyi qeyd olunmuşdur.
Respublika Gənc Turistlər və Diyarşünaslıq Mərkəzinin dərnək rəhbəri Aygün Zamanlı 1918-ci il mayın 28-də müsəlman Şərqində ilk demokratik respublikanın banilərindən söhbət açmışdır. O bildirmişdir ki, bu respublika 23 ay yaşamasına baxmayaraq, böyük ideallara xidmət etmişdir. Azərbaycan adını dünyaya tanıtmış, Azərbaycan dilini dövlət dili kimi təsdiq etmiş, milli ordu qurmuş, təhsil sisteminin əsasını qoymuş, xarici ölkələrlə diplomatik münasibətlər yaratmış, beynəlxalq aləmdə Azərbaycanı təbliğ etmişdir.
Şair İlyas Qəmginin 90 illik yubileyi ilə əlaqədar xatirəsi yad edilmiş, vətənpərvər ruhlu şeirləri səsləndirilmişdir.
Qarabağ müharibəsi iştirakçısı, şair-publisist Rauf İlyasoğlu və digər natiqlər gənclərə Vətəni sevməyi, müstəqil respublikamızın qurucuları sırasında ön cərgədə addımlamağı arzulamışlar.
Sonda şagirdlər ədəbi-bədii kompozisiya nümayiş etdirmişlər.
Bölmənin digər xəbərləri
