AZƏRBAYCAN YIĞMASI “REAL”LA OYUNA İSPANİYA YIĞMA KOMANDASININ BAZASINDA HAZIRLAŞIR
AFFA-dan AZƏRTAC-a bildirmişlər ki, 17 yaşadək futbolçulardan ibarət Azərbaycan yığması (U-17) sentyabrın 17-də Madridin “Real” klubunun nəzdindəki həmyaşıdları ilə yoldaşlıq oyunu keçirəcəkdir. Azərbaycan futbolçuları oyuna İspaniya millisinin bazasında hazırlaşır.
Futbolçularımız səfər proqramı çərçivəsində İspaniya Primerosunun 2-ci turunda “Real”-“Numansiya” oyununa baxmışlar. Onlar yoldaşlıq görüşündən sonra Çempionlar Liqasının qrup mərhələsinin ilk turu çərçivəsində “Real”-“BATE” (Belarus) qarşılaşmasını izləyəcəklər. “Real”ın baş məşqçisi Bernd Şuster bu oyuna biletləri Azərbaycan yığmasına hədiyyə etmişdir.
Bölmənin digər xəbərləri
