ELM VƏ TƏHSİL
AZƏRBAYCANDA DVV LAYİHƏLƏRİNİN HƏYATA KEÇİRİLMƏSİ DAVAM EDİR
DVV-nin Azərbaycandakı milli əlaqələndiricisi Fuad Muradov AZƏRTAC-ın müxbirinə bildirmişdir ki, bu layihələr çərçivəsində 12 regional informasiya mərkəzinin müəllimləri üçün peşə hazırlığı kursları təşkil etmək nəzərdə tutulur. Belə mərkəzlərin hər birində DVV kurslarında hazırlıq keçmiş 4 müəllim olacaqdır.
Onun sözlərinə görə, 7 informasiya mərkəzi tam təchiz edilmiş, qalan 5 mərkəz isə yaxın vaxtlarda təhvil veriləcəkdir. Nəzərdə tutulduğuna görə, hər bir informasiya mərkəzində orta və ahıl yaşlı 10 işsiz vətəndaş təlim keçəcəkdir.
Bakı Təhsil Mərkəzinin 5 regional bürosu üçün kadr hazırlanması işi də davam etdirilir.
Xatırladaq ki, Beynəlxalq Əməkdaşlıq İnstitutunun əsas məqsədlərindən biri dünyanın müxtəlif ölkələrində yaşlı əhalinin yenidən ixtisas hazırlığı keçməsinə dair proqramları gerçəkləşdirməkdən ibarətdir.