Azərbaycanda hepatit B virusunun vaxtında aşkarlanması məqsədi ilə əhalinin pulsuz müayinəsi keçiriləcəkdir
Bakı, 31 may (AZƏRTAC). İyunun 1-dən etibarən Respublika Diaqnostika Mərkəzində bir ay ərzində hepatit B virusunun vaxtında aşkarlanması məqsədi ilə əhali üçün pulsuz laborator analizlər təşkil olunacaqdır.
AZƏRTAC xəbər verir ki, bu barədə Respublika Diaqnostika Mərkəzinin baş həkimi Rauf Ağayev jurnalistlərə müsahibəsində məlumat vermişdir.
Baş həkim bildirmişdir ki, bu, çox vacib tədbirdir. Dünyada yüz milyonlarla insan bu xəstəliyə yoluxmuşdur. Bu xəstəliyə qarşı vaxtında görülən profilaktik tədbirlər, düzgün diaqnozun qoyulması ümumi xəstəliyin müalicəsində böyük rol oynayır.
R.Ağayev bildirmişdir ki, müayinələr zamanı hər hansı şəxsdə hepatit virusu aşkarlanarsa, mütəxəssislər tərəfindən lazımi konsultasiyalar keçiriləcəkdir. Mərkəzdə virusa qarşı vaksinasiya aparılacaq ki, bu da yarım il ərzində həmin şəxsi hepatit B-dən azad edəcəkdir.
Bölmənin digər xəbərləri
