CƏMİYYƏT
Azərbaycanda ilk dəfə kəskin insult xəstəsinin beyin damarının trombu çıxarılmışdır
![Azərbaycanda ilk dəfə kəskin insult xəstəsinin beyin damarının trombu çıxarılmışdır](/files/2014/2/1200x630/14087124105952564795_1200x630.jpg)
Bakı, 8 iyul (AZƏRTAC). Azərbaycan Tibb Universitetinin Tədris Terapevtik Klinikasında ilk dəfə kəskin insult xəstəsinin beyin damarının trombu çıxarılmışdır.
Bu barədə AZƏRTAC-a ATU-nun mətbuat xidmətindən məlumat verilmişdir.
Məlumata görə, üç saat ərzində sol qol və ayağını hərəkət etdirə bilməyən 36 yaşlı qadın xəstənin klinikada nevroloji dəyərləndirilməsi zamanı həkimlər beynin sağ tərəfində ciddi insultdan şübhələnmişlər. Tomoqrafiya zamanı bu diaqnoz təsdiqlənmişdir. Sağ daxili yuxu arteriyasının 100 faiz tromblaşdığı məlum olmuşdur. Klinikanın həkimləri beyin damarlarında trombun çıxarılması əməliyyatını uğurla həyata keçirmişlər.
Saat yarım davam edən əməliyyat kardioloq-artitmoloq, dosent Fərid Əliyev və invaziv-radioloq Ağakişi Yəhyayev tərəfindən icra olunmuşdur.
Xəstə artıq reanimasiya şöbəsindən çıxarılmışdır, vəziyyəti stabildir.