Azərbaycanda islam maarifçiliyi hərəkatından bəhs edən monoqrafiya çapdan çıxıb
Bakı, 31 may, AZƏRTAC
Azərbaycan Milli Elmlər Akademiyasının Milli Azərbaycan Tarixi Muzeyinin mütəxəssisi, tarix üzrə fəlsəfə doktoru Əli Fərhadovun “Şimali Azərbaycanda islam maarifçiliyi hərəkatı (XIX-XX əsrin əvvəlləri)” monoqrafiyası nəşr olunub.
Muzeydən AZƏRTAC-a bildiriblər ki, bu müəssisənin Elmi Şurasının qərarı ilə nəşr olunan monoqrafiyanın elmi redaktoru, tarix elmləri doktoru İradə Bağırovadır.
Nəşrdə Azərbaycanın mütərəqqi din xadimlərinin, ziyalılarının fəaliyyət və yaradıcılığında islam maarifçiliyi mövzusu araşdırılıb. Mövzu dövrün mətbuatı, o cümlədən Bakı qazısı, Quranın Azərbaycan dilinə ilk tərcüməçisi və şərhçisi Mir Məhəmməd Kərim əl-Bakuvinin “Kəşfül-həqayiq” əsəri (Tiflis, 1904-1906) əsasında ətraflı tədqiq edilib.
Bölmənin digər xəbərləri
