“AZƏRBAYCANDA UŞAQLARIN QORUNMASI – UŞAĞIN ARZUSU” MÖVZUSUNDA KONFRANS KEÇİRİLƏCƏK
F.Ələkbərov nazirlikdə yetkinlik yaşına çatmayan uşaqlarla iş üzrə şöbənin açılacağını, məlumat bazası yaratmaq, problemləri daha dərindən araşdırmaq məqsədi ilə yeni layihələr həyata keçiriləcəyini bildirmişdir.
De-institusionalizasiya mövzusuna toxunan nazir əsas məqsədin aztəminatlı ailələrin sosial rifahını yaxşılaşdırmaq olduğunu bildirmiş, körpələrin uşaq evlərinə verilməsi və uşaqların internat məktəblərinə yerləşdirilməsi səbəblərinin dərindən araşdırılmasını problemin həlli istiqamətində atılan ən düzgün addım kimi qiymətləndirmişdir. O, ünvanlı sosial yardım almaq üçün müraciət edən aztəminatlı ailələrin sosial-iqtisadi problemlərinin ətraflı öyrənildiyini, bu məqsədlə xüsusi tədbirlər görüldüyünü söyləmişdir.
Nazir insan alveri qurbanları və yetkinlik yaşına çatmayanlarla məşğul olacaq reabilitasiya mərkəzinin yaradılacağını da bildirmişdir.
Xanım Singer son zamanlar nazirliyin fəaliyyətində əsaslı dəyişikliklərin hiss edildiyini, uşaqların qorunması istiqamətində əsaslı islahatlar aparılmasında nazirliyin rolunun böyük olduğunu vurğulamışdır. Xanım Singer Proqramın icrası ilə əlaqədar dekabrın 7-də Bakıda “Azərbaycanda uşaqların qorunması – Uşağın arzusu” mövzusunda konfrans keçiriləcəyini, Stokholm (İsveç) və Esseks (Böyük Britaniya) universitetləri nümayəndələrinin bu sahədə çalışan mütəxəssislər üçün bir il müddətində paytaxtımızda xüsusi təlimlər təşkil edəcəklərini bildirmişdir.
