Azərbaycanın fövqəladə hallar nazirinin rəhbərlik etdiyi nümayəndə heyəti Türkiyədə işgüzar səfərdə olmuşdur
Bakı, 13 may (AZƏRTAC). Mayın 12-də Azərbaycanın fövqəladə hallar naziri, general-polkovnik Kəmaləddin Heydərovun rəhbərlik etdiyi nümayəndə heyəti Türkiyənin İstanbul şəhərində keçirilmiş “IDEF-2011” X Beynəlxalq Müdafiə Sənayesi Sərgisində iştirak etmişdir.
Fövqəladə Hallar Nazirliyinin mətbuat xidmətindən AZƏRTAC-a bildirmişlər ki, sərgidə Azərbaycan da daxil olmaqla bir çox ölkələrdə istehsal olunan avadanlıq nümayiş etdirilmişdir. Mülki müdafiə, yanğın təhlükəsizliyi, yanğınsöndürmə və qəza-xilasetmə avadanlığı istehsalatçısı olan şirkətlərin nümayəndələri ilə danışıqlar aparılmışdır.
Səfər çərçivəsində Azərbaycan Fövqəladə Hallar Nazirliyinin nümayəndə heyəti ilə Türkiyənin Müdafiə Sənayesi Katibliyinin əməkdaşları arasında geniş tərkibdə görüş keçirilmişdir.
Bölmənin digər xəbərləri
