AZƏRBAYCANLA KUBA ARASINDA KƏND TƏSƏRRÜFATISAHƏSİNDƏ ƏMƏKDAŞLIQ İMKANLARI GENİŞDİR
İsmət Abasov bu ilin sentyabrında xarici işlər naziri Elmar Məmmədyarovun Kubaya rəsmi səfəri çərçivəsində imzalanmış “Qarşılıqlı mənfəət doğuran proqram və layihələrin dəstəklənməsi haqqında” ikitərəfli əməkdaşlıq sazişini xatırladaraq ölkəmizin Kuba ilə dostluq və əməkdaşlıqda maraqlı olduğunu vurğulamışdır. O, Azərbaycanda aparılmış aqrar islahatların birinci mərhələsi, aqrar-sənaye kompleksinin inkişaf dinamikası, “Aqrolizinq” ASC-nin fəaliyyəti, hökumətin qeyri-neft sektoruna diqqəti, regionların sosial-iqtisadi inkişafı haqqında qonağa ətraflı məlumat vermişdir.
Nazir heyvandarlıq, tütünçülük, çayçılıq, meyvəçilik və aqrar elminə dair informasiya mübadiləsi sahəsində geniş əməkdaşlıq imkanlarının olduğunu diqqətə çatdırmış, qarşılıqlı faydalı birgə layihə və proqramların mümkünlüyünü vurğulamışdır.
Rikardo Gerrero ölkəsinin iqtisadiyyatı, o cümlədən aqrar sahə, neft sektoru haqqında söz açmış, hər iki ölkənin kənd təsərrüfatı nazirlikləri arasında sazişin hazırlanıb imzalanmasını, informasiya mübadiləsi aparılmasının vacibliyini məqsədəuyğun saymışdır. Qonaq xatırlatmışdır ki, bütövlükdə hökumətlərarası komissiyanın yaradılması nəzərdə tutulur və bu çərçivədə aqrar sahədə əməkdaşlıq mühüm yer tutur.
Bölmənin digər xəbərləri
