Azərbaycanlı alim Avropa Şurasının Bioetika Komitəsinin iclasında iştirak edib
Bakı, 31 may, AZƏRTAC
AMEA-nın Molekulyar Biologiya və Biotexnologiyalar İnstitutunun aparıcı elmi işçisi, Azərbaycan Milli Bioetika Komitəsinin elmi katibi, biologiya üzrə fəlsəfə doktoru Gülnarə Balakişiyeva Avropa Şurasının Bioetika Komitəsinin 13-cü iclasında iştirak edib.
İnstitutdan AZƏRTAC-a bildiriblər ki, iclasın gündəliyindəki əsas məsələ psixi pozğunluğu olan şəxslərin məcburi xəstəxanaya yerləşdirilməsi və məcburi müalicəsi baxımından onların hüquqlarının qorunmasına dair Əlavə Protokol layihəsinin müzakirəsi olub. Avropa Şurasına daxil olan 47 ölkənin nümayəndələrinin iştirak etdiyi iclasda, həmçinin bioetika sahəsində son yeniliklər haqqında məlumat verilib, “Oviedo” konvensiyasının bir sıra müddəaları müzakirə edilib, insan genomunu redaktə texnologiyaları ilə bağlı meydana çıxan etik və hüquqi məsələlərə toxunulub.
İclasın yekununda dəyişiklər edilmiş Əlavə Protokol layihəsi baxılması üçün Avropa Şurasının İnsan Hüquqları üzrə Əlaqələndirmə Komitəsinə göndərilib.
Bölmənin digər xəbərləri
