Azərbaycanlı alimlərin məqaləsi impakt faktorlu jurnalda dərc olunacaq
Bakı, 1 may, AZƏRTAC
AMEA-nın vitse-prezidenti, Molekulyar Biologiya və Biotexnologiyalar İnstitutunun direktoru, akademik İradə Hüseynova, biologiya üzrə fəlsəfə doktorları Durna Əliyeva, İsmayıl Zülfüqarov və müəssisənin elmi işçisi Lalə Aydınlının həmmüəllif olduqları məqalə yüksək impakt faktorlu “Functional Plant Biology” jurnalında çapa qəbul edilib. Bu barədə AZƏRTAC-a AMEA-dan bildirilib.
“Quraqlığa məruz qalmış buğda genotiplərində askorbat-qlütation sikl komponentlərinin fəaliyyətinin sutkalıq dəyişməsi” adlı məqalədə uzunmüddətli torpaq quraqlığına məruz qalmış bərk (Triticum durum Desf.) və yumşaq (Triticum aestivum L.) buğda genotiplərinin yarpaqlarında askorbat-qlütation tsiklinin əsas komponentləri olan askorbat turşusunun və qlütationun miqdarının, eləcə də askorbat peroksidaza və qlütation reduktaza fermentlərinin fəallığının sutka ərzində dəyişmə dinamikasının müqayisəli tədqiqinin nəticəsi əksini tapıb.
Aparılan tədqiqatlar buğda bitkisinin su qıtlığına davamlılığının aydınlaşdırılması və stresə davamlı sortların yaradılması üçün böyük
əhəmiyyət daşıyır.
Bölmənin digər xəbərləri
