Azərbaycanlı hakim Avropa çempionatının final görüşünü idarə edib
Bakı, 26 iyul, AZƏRTAC
Beynəlxalq dərəcəli azərbaycanlı hakim Fuad Ağayev 17 yaşadək qız voleybolçular arasında keçirilən Avropa çempionatının final görüşünü idarə edib.
AZƏRTAC Azərbaycan Voleybol Federasiyasının mətbuat xidmətinə istinadla xəbər verir ki, o, Çexiyanın Hradec Kralove şəhərində təşkil olunan yarışın həlledici matçın birinci referisi olub.
Finalda İtaliya və Türkiyə milliləri üz-üzə gəliblər. Matçda 3:1 (25:16, 23:25, 25:20, 25:22) hesabı ilə qələbə qazanan İtaliya millisi qitənin ən güclüsü adına yiyələnib.
Bölmənin digər xəbərləri
