CƏMİYYƏT
Azərbaycanlı həkim beynəlxalq konfransda məruzə edib
Bakı, 24 noyabr, AZƏRTAC
Ukrayna Səhiyyə Nazirliyi, Ukrayna Qastroenteroloqları və Diyetoloqları Assosiasiyaları onlayn formatda “İltihabi və funksional bağırsaq xəstəlikləri” adlı beynəlxalq konfrans keçirib.
Hər il keçirilən və sayca altıncı olan konfransda Əziz Əliyev adına Azərbaycan Dövlət Həkimləri Təkmilləşdirmə İnstitutunun Terapiya kafedrasının dosenti Gülüstan Babayeva iştirak edib.
İnstitutun mətbuat xidmətindən AZƏRTAC-a verilən məlumata görə, o, xoralı kolit, Kron xəstələrində bazis terapiyasına “cavab olunmamağın” səbəblərindən birinin məhz eozinofil iltihabının mövcudluğu və onun iltihabi bağırsaq xəstəliyi zamanı diaqnozun verifikasiyası, xəstəliyin aktivliyinin qiymətləndirilməsinə təsiri və konservativ terapiyanın monitorinqində istifadə üçün yeni laborator markerin yeri və rolu haqqında danışıb.
Məruzədən sonra iştirakçıların sualları cavablandırılıb.
Bölmənin digər xəbərləri
