“Azəri Layt” markalı neftin bir barreli 121,19 dollara satılmışdır
Bakı, 11 may (AZƏRTAC). Dünya bazarlarında “qara qızıl”ın qiyməti yüksəlməkdə davam edir.
AZƏRTAC “Bloomberg” agentliyinə istinadla xəbər verir ki, Nyu-Yorkun “NYMEX” (New York Merchantile Exchange) birjasında “Layt” markalı neftin bir barrelinin qiyməti 1 dollar 41 sent artaraq 104,60 dollar, Londonun İCE (İnterContinental Exchange Futures) birjasında keçirilən hərraclarda “Brent” markalı neftin bir barrelinin qiyməti 2 dollar 43 sent yüksələrək 118,43 dollar olmuşdur.
Azərbaycan Respublikası Dövlət Neft Şirkətinin Marketinq və İqtisadi Əməliyyatlar İdarəsindən bildirmişlər ki, ötən gün “Azəri Layt” markalı neftin bir barreli isə beynəlxalq birjalarda 4 dollar 4 sent artaraq 121,19 dollara satılmışdır.
Bölmənin digər xəbərləri
