AzMİU-nun ingilis dili müəllimlərinə Lester Universitetinin sertifikatları təqdim edilib
Bakı, 15 fevral, AZƏRTAC
Azərbaycan Memarlıq və İnşaat Universitetinin (AzMİU) əcnəbi dillər kafedrasının ingilis dili müəllimləri üçün keçirilən “Mini CELTA” təlimi bu gün yekunlaşıb. Təlimdə universitetin 19 müəllimi iştirak edib.
AzMİU-dan AZƏRTAC-a bildirilib ki, Böyük Britaniyanın Lester Universitetinin mütəxəssisi Dagmara Grabas tərəfindən aparılan 1 həftəlik təlimi uğurla başa vuran müəllimlər həmin universitetin sertifikatlarını əldə ediblər.
Qeyd edək ki, təlim “Britisih Council Azərbaycan” şirkətinin təşkil etdiyi “Creative Spark” proqramı çərçivəsində keçirilir. Bu, artıq Lester Universiteti tərəfindən AzMİU-nun müəllimləri üçün keçirilən 4-cü təlimdir. Bundan əlavə, AzMİU-nun müəllimləri Lester Universitetində də bir sıra təlimlərdə iştirak ediblər.
Bölmənin digər xəbərləri
