“AZTELEKOM” İB-NIN “107” SMS XİDMƏTİNİN TƏTBİQİ GENİŞLƏNİR
Bakı, 6 iyun (AZƏRTAC). Rabitə və İnformasiya Texnologiyaları Nazirliyinin “Aztelekom” İstehsalat Birliyi (İB) tərəfindən 107 SMS xidmətinin istifadəyə verilməsi nəticəsində sabit telefon şəbəkəsi abonentləri respublikamızın istənilən məntəqəsindən adi, tranzit və beynəlxalq istiqamətlərdə SMS-lər göndərmək, həmçinin SMS-lərlə keçirilən müxtəlif müsabiqələrdə istədikləri iştirakçılara səs vermək imkanı qazanmışlar.
Xidmətə çox cüzi investisiya qoyulmasına baxmayaraq (2 min manat) kifayət qədər gəlir gətirir. Aprel ayının sonuna olan məlumata görə, ümumi sifariş təxminən 100 min manat təşkil etmişdir.
Xidmətdən istifadə üçün abonent “107” sifarişli xidmət sexinə zəng edib mətni telefonla diktə edir və SMS-in çatacağı telefonu söyləyir. Bununla da abonentdən sifariş qəbul edilir və lazımi ünvana çatdırılır.
Bölmənin digər xəbərləri
