Baba Rzayev: Qarabağda 30-a yaxın podratçı şirkət çalışır
Bakı, 20 oktyabr, AZƏRTAC
Bu gün işğaldan azad edilmiş ərazilərdə 30-a yaxın podratçı şirkət çalışır.
AZƏRTAC xəbər verir ki, bunu “20 Oktyabr - Energetiklər günü2 münasibəti ilə “Şimal” Elektrik Stansiyasında keçirilən tədbirdə “Azərenerji” ASC-nin prezidenti Baba Rzayev deyib.
“Bu gün azad edilmiş ərazilərdə elektrik enerjisi sahəsində görülən işlərdən danışanda bəlkə də kiminsə gözünün önünə “Azərenerji” ASC-nin kollektivi gəlir. Amma mənim gözümün önünə bu ərazilərdə çalışan sürücülər, mühəndislər və digər zəhmətkeş əməkdaşlarımız gəlir. Bu gün Prezident İlham Əliyevin sayəsində biz torpaqlarımızı azad etdik və hazırda Qarabağda quruculuq işləri davam etdirilir. Həm alimlərimizə, həm podratçı şirkətlərə, həm də bizim orada çalışan əməkdaşlarımıza təşəkkür edirəm”, - deyə B.Rzayev diqqətə çatdırıb.
Bölmənin digər xəbərləri
