Bakı Ali Neft Məktəbinin komandaları “CanSat” müsabiqəsinin əsas mərhələsinə vəsiqə qazanıb
Bakı, 4 may, AZƏRTAC
Bakı Ali Neft Məktəbinin (BANM) 2 komandası “CanSat Azərbaycan 2020” tələbə model peyk müsabiqəsinin “Reallaşdırma” mərhələsinə vəsiqə qazanıb.
BANM-dən AZƏRTAC-a bildirilib ki, əsas mərhələyə vəsiqə qazanan 6 təhsil müəssisəsini təmsil edən 10 komandadan ikisi Bakı Ali Neft Məktəbinin komandası olub. Bunlar ali məktəbin tələbələrindən ibarət “Undefined Five Objects” və “Canis Majoris” komandalarıdır.
“Azərkosmos” və Təhsil Nazirliyinin birgə təşkilatçılığı ilə keçirilən “CanSat Azərbaycan 2020” model peyk müsabiqəsinin “Layihələndirmə” mərhələsində ümumilikdə 9 təhsil müəssisəsindən 15 komanda iştirak edib. Komandalar tərəfindən təqdimatlar “Zoom” onlayn platforması üzərindən nümayiş olunub.
Qeyd edək ki, komandaların sənədlərinin və təqdimatlarının qiymətləndirilməsi müsabiqənin “Qiymətləndirmə meyarları” əsasında “CanSat Azərbaycan” layihəsinin ekspertləri tərəfindən aparılıb.
Bölmənin digər xəbərləri
