BAKI BANKLARARASI VALYUTA BİRJASINDA HƏRRACLARIN YEKUNLARI
Birjanın informasiya-təhlil şöbəsindən AZƏRTAC-ın müxbirinə bildirmişlər ki, elektron hərraclarının birja sistemində (EHBS) səhər sessiyasının açılışında USD/AZN-in məzənnəsi 1 dollar üçün 0,9032 AZN-ə bərabər idi. USD/AZN T+0 aləti üzrə əqd bağlanmamışdır. Sessiyanın yekunlarına görə manatın məzənnəsi dəyişməmişdir.
EHBS-in gündüz sessiyasında USD/AZN T+0 aləti üzrə 3 milyon 700 min dollara bərabər əqd qeydə alınmışdır. Gündüz sessiyasının orta hesablanmış məzənnəsi 1 dollar üçün 0,9032 AZN olmuşdur.
Beləliklə, hər iki sessiyanın yekunlarına görə dollar alətləri üzrə hərracların ümumi həcmi 3 milyon 700 min dollar olmuşdur ki, bu da manat ekvivalenti ilə 3 342 640 AZN təşkil edir. Bir əqdə orta hesabla 925 000 dollar düşmüşdür.
USD/AZN T+1 aləti üzrə 400 min dollar məbləğində bir əqd qeydə alınmışdır. USD-nin məzənnəsi 0,9032 AZN olmuşdur.
USD/AZN T+2 və SWAP_USD/AZN alətləri üzrə tələb olmadığından dilerlər əqd bağlamamışlar.
EHBS-də banklar AUR/AZN, RUB/AZN alətləri üzrə sifariş verməmişlər.
EHBS sistemi çərçivəsində fəaliyyət göstərən banklararası kredit bazarında market-meykerlər tərəfindən verilən sifarişlər əsasında hesablanan BakiBOR indeksi 90 günlük alətlər üzrə illik manatla 15,30 faiz, ABŞ dolları üzrə isə 14,82 faiz təşkil etmişdir.
Aprelin 28-də birjada banklar arasında kredit alətləri üzrə əqd bağlanmamışdır.
Bölmənin digər xəbərləri
