BAKI DÖVLƏT UNİVERSİTETİNDƏ AVROPA KOMİSSİYASININ NÜMAYƏNDƏSİ İLƏ GÖRÜŞ OLMUŞDUR

26.11.2003 [14:59]
Çap et
A⁺ A^-

Bakı Dövlət Universitetində Avropa Komissiyasının MDB ölkələri ilə elmi-tədqiqatlar və texnologiyalar sahəsində əməkdaşlıq şöbəsinin rəhbəri, doktor Mişel Qenovezenin professor-müəllim heyəti ilə görüşü keçirilmişdir.

Universitetdən AZƏRTAC-ın müxbirinə bildirmişlər ki, görüşdə bu ali təhsil müəssisəsinin prorektoru, AMEA-nın müxbir üzvü Bəhram Əsgərov ölkəmizin elmi nailiyyətlərindən danışmışdır.

Sonra doktor Mişel Qenoveze 6-cı Avropa çərçivə proqramının özünəməxsus dəstəkləyici imkanları barədə geniş məlumat vermiş, elmi-tədqiqat və texnologiyalara aid müxtəlif layihələr təqdim etmişdir.

Universitetin alimləri də həmin layihələr üzrə keçirilən qrant müsabiqələrində iştirak edə bilərlər.