Bakı şəhəri və Abşeron rayonu üzrə 2,4 milyon kubmetr qaz qəbul edilib
Bakı, 30 avqust, AZƏRTAC
Cari ilin 7 ayı ərzində Bakı şəhəri və Abşeron rayonu üzrə 2 milyard 488 milyon kubmetr qaz qəbul edilib, bunun 2 milyard 288 milyon kubmetri satışa yönəldilib, itki isə 199 milyon kubmetr (7,9 faiz) olub. 2021-ci ilin müvafiq dövrü ilə müqayisədə qəbul edilən qaz 216 milyon kubmetr və satışı 260 milyon kubmetrə yaxın artıb, itki isə 44 milyon kubmetr (1,9 faiz) azalıb.
AZƏRTAC xəbər verir ki, bu sözləri “Azəriqaz” İB-nin Bakı Regional Qazın Satışı Departamentinin rəis müavini Anar İbrahimov deyib.
“Hazırda Bakı şəhəri və Abşeron rayonu üzrə əhali və qeyri-əhali sektoruna aid olan 1 milyon 84 min abonent var ki, bunların 24 mini qeyri-əhali sektoruna, 1 milyon 60 min abonenti isə əhali sektoruna aiddir. Əhali sektorunda 680 min abonent öncədən ödənişli (smart-kart tipli), 380 min abonent isə sonradan ödənişli (mexaniki tipli) sayğacla təmin olunub”, - deyə rəis müavini əlavə edib.
Bölmənin digər xəbərləri
