BAKI SLAVYAN UNİVERSİTETİNDƏ GÖRÜŞ

05.11.2003 [20:27]
Çap et
A⁺ A^-

Bakı Slavyan Universitetinin professor-müəllim heyəti və tələbələrinin Bolqarıstan müdafiə nazirinin xanımı Rositsa Svinarova ilə görüşü olmuşdur. Qonağı Bolqarıstan Respublikasının Bakıdakı müvəqqəti işlər vəkili İvan Palçev, səfirliyin və Azərbaycan Müdafiə Nazirliyinin əməkdaşları müşayiət edirdilər.

Universitetin rektoru, professor Kamal Abdullayev qonaqları salamlayaraq başçılıq etdiyi ali məktəbin tarixi barədə qısa məlumat verdi. O vurğuladı ki, BSU Bolqarıstanın Sofiya və Şumen universitetləri ilə sıx əlaqə saxlayır. Sofiya Universitetinin rektoru və prorektoru bu yaxınlarda BSU-da olmuşlar. 1990-1997-ci illərdə Bolqarıstana rəhbərlik etmiş sabiq ölkə prezidenti isə universitetin fəxri doktorudur. O bildirdi ki, Bakı Slavyan Universitetində bolqar mədəniyyəti mərkəzinin açılması nəzərdə tutulmuşdur.

Qonaqlar Ukrayna mədəniyyəti mərkəzində də olmuş, “Moskva auditoriyası”nda bolqarşünas tələbələrlə görüşmüşlər.

Xanım R.Svinarova universitetə bolqar dilində kitablar hədiyyə etmişdir.