ELM VƏ TƏHSİL
BAKI SLAVYAN UNİVERSİTETİNDƏ GÖRÜŞ OLMUŞDUR
Bakı Slavyan Universiteti professor-müəllim və tələbə heyətinin Bolqarıstan Respublikası təhsil nazirinin müavini Kamen Vraxovla görüşü olmuşdur.
AZƏRTAC xəbər verir ki, universitetin rektoru Kamal Abdullayev təhsil ocağının fəaliyyəti və strukturu, bolqar dili və ədəbiyyatı fakültəsində tədrisin vəziyyəti barədə qonağa ətraflı məlumat vermiş, bolqarıstanlı qonaqlarla universitetdə görüşlərin ənənəvi xarakter aldığını söyləmişdir. Sofiya Universitetinin rektoru Jelyu Jelayevin bu ali məktəbdə mühazirələr oxuduğu vurğulanmışdır.
Kamen Vraxov belə görüşlərin xalqlarımız arasında dostluğun möhkəmlənməsinə xidmət etdiyini bildirmişdir.
Tələbələr qonağı bolqar dilində salamlamış, şerlər söyləmiş, səhnəciklər göstərmişlər.
Görüşdə Bolqarıstanın ölkəmizdəki müvəqqəti işlər vəkili İvan Palçev iştirak etmişdir.