BAKI-TBİLİSİ-QARS DƏMİR YOLUNUN TÜRKİYƏ HİSSƏSİNİN TİKİNTİSİNƏ MAYIN SONUNDA BAŞLANACAQDIR
AZƏRTAC-ın xüsusi müxbiri xəbər verir ki, bunu jurnalistlərə müsahibəsində Türkiyənin nəqliyyat naziri Binəli Yıldırım söyləmişdir.
Türkiyədə “Dəmir İpək Yolu” adlandırılan layihənin 76 kilometrlik hissəsinin çəkilməsinə dair ötən ilin sentyabrında keçirilmiş 290 milyon dollarlıq tenderin qalibi olmuş Çəliklər-Özgün şirkətlər qrupu tikinti işlərinə başlamaq üçün son işləri başa çatdırmışdır.
Nazir onu da əlavə etmişdir ki, Türkiyə üçün strateji əhəmiyyətə malik olan Bakı-Tbilisi-Qars dəmir yolu layihəsi 3 ilə başa çatdırılacaqdır. Türkiyə hökuməti bu layihəyə 380 milyon dollar vəsait ayırmışdır.
Bakı-Tbilisi-Qars dəmir yoluna paralel olaraq həyata keçiriləcək Marmaray layihəsi isə Avropa ölkələrini birbaşa Çinlə birləşdirməyə imkan verəcəkdir.
Bölmənin digər xəbərləri
