Bakı və Salyan sakinlərində narkotik maddə aşkarlanmışdır
Bakı, 15 noyabr (AZƏRTAC). Daxili işlər orqanlarının əməkdaşları narkotik maddələrin qanunsuz satışı və dövriyyəsinə qarşı mübarizəni qətiyyətlə davam etdirirlər.
Daxili İşlər Nazirliyinin mətbuat xidmətindən AZƏRTAC-a bildirmişlər ki, Salyan Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon sakini Namiq Əliyevdən 527,254 qram tiryək və 12, 659 qram heroin götürülmüşdür.
Metropolitendə Polis Şöbəsi və Yasamal Rayon Polis İdarəsi əməkdaşlarının birgə keçirdikləri əməliyyat-axtarış tədbirləri nəticəsində Bakı şəhər sakini, əvvəllər məhkum olunmuş Əli Xasanovda 0,205 qram heroin aşkarlanmışdır. Aparılmış əməliyyat tədbirləri nəticəsində müəyyən edilmişdir ki, Ə.Xasanov Tərlan Soltanovun və Lamiyə Nemətovanın pul və şəxsi sənədlərini də oğurlamışdır.
Hər iki faktla bağlı cinayət işi açılmışdır, araşdırmalar davam etdirilir.
Bölmənin digər xəbərləri
