Bakıda Beynəlxalq caz festivalı davam edir
Bakı, 30 oktyabr (AZƏRTAC). Mədəniyyət və Turizm Nazirliyinin və Azərbaycan Mədəniyyət Fondunun birgə təşkilatçılığı ilə keçirilən “Bakı Caz festivalı-2013” çərçivəsində oktyabrın 30-da Heydər Əliyev Sarayında növbəti konsert proqramı təqdim olunmuşdur.
AZƏRTAC xəbər verir ki, gecədə dünyanın ən gözəl basistlərdən olan Avishai Cohen çıxış etmişdir. Onun bu yaxınlarda işıq üzü görən “Avishal Cohen with Strings” adlı layihəsi bu günədək ifaçının musiqi karyerasının kulminasiyası və klassik dünyaya yeni atılmış bir addım kimi dəyərləndirilir.
İsrailli basist, bəstəkar və müğənni olan Avishai Cohen son iyirmi ildə dünyanın ən öndə gedən basistlərindən biri və dəfələrlə mükafata layiq görülmüş ansambl rəhbəri kimi böyük ad qazanmışdır.
Konsert iştirakçıları gecədə israilli bəstəkar və onun bənzərsiz ansamblının zərif və həyəcanlandırıcı ifasından zövq almışlar.
Bölmənin digər xəbərləri
