BAKIDA DƏMİR YOLU ƏMƏKDAŞLIĞI TƏŞKİLATI EKSPERTLƏRİNİN İCLASI KEÇİRİLİR
AZƏRTAC xəbər verir ki, aprelin 8-də Bakıda Dəmir Yolu Əməkdaşlığı Təşkilatının (DYƏT) əsas sənədlərin təkmilləşdirilməsi məsələləri üzrə müvəqqəti işçi qrupunun 12-ci müşavirəsi öz işinə başlamışdır. Tədbir aprelin 11-dək davam edəcəkdir.
Görüş zamanı “Birbaşa və qarışıq istiqamət məsələləri üzrə Beynəlxalq Konvensiya Layihəsi”nin “DYƏT Komitəsi”, “Təftiş komissiyası”, “Səsvermə”, “Arbitraj Komissiyası”, “Üstünlüklər və immunitetlər”, “Dillər” və “Konvensiyaya qoşulma” bölmələrinin nəzərdən keçirilməsi və razılaşdırılması planlaşdırılır.
1956-cı ildə Sofiyada nəqliyyat nazirlərinin müşavirəsində yaradılmış DYƏT dövlətlərarası ixtisaslaşdırılmış təşkilatdır. Azərbaycanın 1993-cü ildən qoşulduğu bu təşkilata hazırda 27 ölkə daxildir.
Bölmənin digər xəbərləri
