CƏMİYYƏT
Bakıda NERAS-ın birinci beynəlxalq konqresi keçiriləcəkdir
Bakı, 2 iyun (AZƏRTAC). İyunun 6-7-də Əziz Əliyev adına Azərbaycan Dövlət Həkimləri Təkmilləşdirmə İnstitutunda Yaxın Avrasiya və Afrika Qulaq Burun Boğaz Cəmiyyətinin (NERAS) birinci beynəlxalq konqresi keçiriləcəkdir.
İnstitutdan AZƏRTAC-a bildirmişlər ki, konqresin əsas məqsədi ölkəmizdə otorinolarinqologiyanın inkişafına töhfə vermək və tibb elminin bu sahədəki son yeniliklərini müzakirə etməkdir.
Konqresin panel iclaslarında Türkiyənin həkimləri ilə yanaşı, yerli mütəxəssislər də məruzələrlə çıxış edəcəklər. Bundan əlavə, otorinolarinqologiya ixtisası üzrə həkim-rezidentlər arasında poster müsabiqəsi keçiriləcəkdir. Müsabiqə qalibləri mükafatlandırılacaqlar.
Yekunda konqres iştirakçılarına sertifikatlar təqdim olunacaqdır.