BANM tələbəsi beynəlxalq hakatonda Azərbaycanı təmsil edərək qalib olub
Bakı, 28 yanvar, AZƏRTAC
Bakı Ali Neft Məktəbinin (BANM) İnformasiya təhlükəsizliyi ixtisasının V kurs tələbəsi Gülay Nəzərova İqtisadi Əməkdaşlıq Təşkilatının Təmiz Enerji Mərkəzi (CECECO) tərəfindən təşkil olunan “CECECO Təmiz Enerji Hakatonu 2026” beynəlxalq müsabiqəsində II yeri tutub.
BANM-dan AZƏRTAC-a bildirilib ki, Azərbaycan, Türkiyə, Pakistan, Qazaxıstan, Özbəkistan və Qırğızıstandan olan 16-35 yaş arası gənclərin iştirak etdiyi hakatonda Ali Neft Məktəbinin tələbəsi fərdi şəkildə iştirak edərək, Azərbaycandan yeganə qalib adını qazanıb. Onun təqdim etdiyi “CleanAxis” adlı layihə süni intellekt əsaslı rəqəmsal mərkəz platformasının yaradılmasını nəzərdə tutur.
Qeyd edək ki, müsabiqənin əsas məqsədi təmiz enerji sahəsində rəqəmsal və məlumat əsaslı innovativ həllərin hazırlanması olub. Müsabiqəyə, ümumilikdə, adları qeyd olunan ölkələrdən 207 müraciət qəbul edilib.
Bölmənin digər xəbərləri
