BARONESSA OKAHOYN: MİLLİ MƏCLİS İLƏ BÖYÜK BRİTANİYA PARLAMENTİ ARASINDA ƏLAQƏLƏR MÖHKƏMLƏNİR
O.Əsədov bildirmişdir ki, Milli Məclis Böyük Britaniya parlamenti ilə əlaqələrin inkişafına xüsusi önəm verir. Bu gün Azərbaycan ilə Böyük Britaniya arasında iqtisadi, siyasi və mədəni sahələrdə əməkdaşlıq yüksələn xətlə inkişaf edir. Britaniyanın hər zaman ölkəmizə dəstək olması əlaqələrimizin möhkəm təməl üzərində qurulduğuna sübutdur.
Krallığın parlament nümayəndə heyətinin bu yaxınlarda ölkəmizə səfəri müxtəlif dövlət qurumları, o cümlədən Milli Məclisdə keçirilən səmərəli görüşlər hər iki tərəf üçün faydalı olmuşdur. Görüşdə dövlətlərarası əlaqələrin inkişafında parlamentlərarası münasibətlərin də böyük rolu diqqətə çatdırılmışdır. Bildirilmişdir ki, Milli Məclisdə Azərbaycan-Böyük Britaniya dostluq qrupu yaradılmışdır. Qədim və zəngin parlamentarizm təcrübəsinə malik Böyük Britaniyanın qanunvericilik sahəsində əldə etdiyi nailiyyətlər Azərbaycan üçün də faydalıdır.
Xanım Baronessa Okahoyn Azərbaycana səfərindən, ölkəmizdə bütün sahələrdə əldə olunan yüksəlişdən məmnunluq ifadə etmişdir. O, respublikamızdakı demokratik inkişafı yüksək dəyərləndirərək Azərbaycanın regiondakı mövqeyinin möhkəmləndiyini xüsusi vurğulamışdır. Qonaq demişdir ki, ölkələrimizin parlamentləri arasında əlaqələrin daha da möhkəmlənməsinə çalışacaqdır.
Bölmənin digər xəbərləri
