Baş nazir Viktor Ponta: Rumıniya Avropa İttifaqında ən az vergiləri olan dövlətdir

17.11.2013 [11:52]
Çap et
A⁺ A^-

Buxarest, 17 noyabr (AZƏRTAC). Rumıniyanın Baş naziri Viktor Ponta hökumətin iclasında bildirmişdir ki, rəsmi Buxarest Avropa İttifaqında ən az vergiləri olan dövlətdir. Nazir təəssüflə demişdir ki, Rumıniyada vergilərin az olması vergidən yayınmanın qarşısını almır.

Noyabrın 15-də təqdim olunan 2014-ci ilin büdcə rəqəmləri onu göstərir ki, Rumıniyada büdcə gəlirləri ümumi daxili məhsulun 32,9 faizini təşkil edəcəkdir. Bu rəqəm Avropa İttifaqında ortalama ÜDM-in 46 faizini təşkil edir.

Baş nazir Rumıniyanı Avropa İttifaqında ən az vergiləri və ən az gəlirləri olan ölkələrdən biri kimi xarakterizə etmişdir.

İqbal Hacıyev

AZƏRTAC-ın xüsusi müxbiri

Buxarest