BASKETBOL ÜZRƏ UŞAQ-YENİYETMƏ LİQASININ ÇEMPİONATINA START VERİLMİŞDİR
Bakı, 15 noyabr (AZƏRTAC). Azərbaycan Basketbol Federasiyasının İxtisaslaşdırılmş Baksetbol Mərkəzində uşaq-yeniyetmə liqasının beşinci çempionatına start verilmişdir.
Birincilikdə üç - kiçik (14 yaşlı), orta (16 yaşlı) və böyük (18 yaşlı) yaş qrupu üzrə ümumilikdə 20 komanda iştirak edir.
Çempionatın ilk turunda 18 yaşlı basketbolçuların mübarizəsində “Makkabi” klubu qadınlardan ibarət yığma komanda üzərində 55:45 hesabı ilə qələbə qazanmışdır. Digər görüşlərdə bu nəticələr qeydə alınmışdır: “Təhsil” - “Yasamal” - 52:44, “Qala” - “Səbail” - 70:42.
U-16 yaş qrupu üzrə keçirilən birincilikdə “Təhsil” klubu “Xətai” komandasını 45:29 hesabı ilə məğlub etmişdir. “Səbail” komandası “Qaradağ” (95:12), “Rinat” klubu isə “Sabunçu” (107:35) üzərində böyük hesabla qələbə qazanmışdır.
Kiçik yaş qrupunda “Rinat” komandası “Xətai”yə 13:23 hesabı ilə məğlub olmuşdur. “Qaradağ” “Makkabi” klubuna 27:7, “Sabunçu” - “Təhsil”ə 35:4, “Səbail” isə “Qala” komandasına 21:6 hesabı ilə qalib gəlmişdir.
Gələn ilin mayına qədər davam edəcək yarışların qalibləri Azərbaycan Basketbol Federasiyası tərəfindən mükafatlandırılacaqlar.
Yarışların baş hakimi Aydın Ağəliyevdir.
Bölmənin digər xəbərləri
