BDU-da bakalavr pilləsində 4579 tələbə imtahan verib
Bakı, 29 yanvar, AZƏRTAC
Bakı Dövlət Universitetində (BDU) 2020/2021-ci tədris ilinin payız semestrinin imtahan sessiyası davam edir.
BDU-dan AZƏRTAC-a bildirilib ki, yanvarın 28-də ümumilikdə bakalavr pilləsində 213 qrupda 4579 tələbə (356 nəfəri "SABAH" qruplarının tələbəsi olmaqla) imtahan verib. Universitetin Qazax filialında isə 12 qrup üzrə 138 tələbə imtahanlarda iştirak edib. Magistratura pilləsində 121 ixtisaslaşmada 81 fənn üzrə 416 magistrant imtahan verib.
İmtahan sessiyasının mövcud qaydalara uyğun təşkili, tələbələrin biliyinin qiymətləndirilməsində şəffaflığın və obyektivliyin təmin olunması istiqamətində bütün tədbirlər həyata keçirilib.
Qeyd edək ki, tələbələrin imtahanla bağlı şikayətini dinləmək və operativliyi təmin etmək məqsədilə “Qaynar xətt” və Apellyasiya Komissiyası da fəaliyyətini davam etdirir.
Bölmənin digər xəbərləri
