BDU və “QS Quacquarelli Symonds” beynəlxalq reytinq agentliyi arasında görüş
Bakı, 13 noyabr, AZƏRTAC
Bakı Dövlət Universiteti (BDU) və “QS Quacquarelli Symonds” beynəlxalq reytinq agentliyi arasında onlayn görüş keçirilib.
Bu barədə AZƏRTAC-a BDU-dan məlumat verilib.
Görüşdə rektorun keyfiyyət təminatı üzrə müşaviri Asiman İlyasov, Beynəlxalq əlaqələr şöbəsinin müdiri Rauf Həsənov, Keyfiyyət Təminatı Mərkəzinin direktoru İdrak Əsgərov, Monitorinq, təhlil və akkreditasiya şöbəsinin müdiri Pərvanə Mövsümova, Tədqiqat, İnkişaf və İnnovasiyalar üzrə Mükəmməlik Mərkəzinin direktor müavini Zöhrab Ağamalıyev və “QS Quacquarelli Symonds” beynəlxalq reytinq agentliyinin ekspert qrupu iştirak edib.
Rektorun keyfiyyət təminatı üzrə müşaviri BDU-da reytinqlərdə irəliləmə istiqamətində görülən işlərə dair məlumat verib. Sonra reytinq agentliyinin ekspert qrupu ilə müzakirələr davam etdirilib. Ekspert qrupu BDU əməkdaşlarının suallarını cavablandırıb.
Bölmənin digər xəbərləri
