BƏHRƏMTƏPƏ HİDROQOVŞAĞI YENİDƏN QURULUR
AZƏRTAC xəbər verir ki, regionların sosial-iqtisadi inkişafı Dövlət Proqramına uyğun olaraq, İmişli rayonu ərazisində Araz çayı üzərindəki Bəhrəmtəpə hidroqovşağında yenidənqurma tədbirləri sürətlə aparılır.
Podratçı təşkilat olan “Azərsutikinti” Səhmdar Cəmiyyətinin Muğan sənaye törəmə müəssisəsi layihənin icrasına 2007-ci ilin əvvəlindən başlamışdır. İndiyədək nəzərdə tutulan işlərin 80 faizi yerinə yetirilmişdir. Hidrotexniki qurğunun suaşırıcı hissəsində yüksək təzyiqədavamlı dəmir-beton konstruksiyalar quraşdırılmış, nizamlayıcı sistem yenidən qurulmuş, xidmət bölmələri üçün binalar tikilmişdir.
Keçən əsrin ortalarında istifadəyə verilmiş bu hidroqovşaq respublikanın Muğan və cənub bölgələrinin 38 min hektar torpaq sahəsini su ilə təmin etmək gücündədir.
Bölmənin digər xəbərləri
