Belarusda koronavirusdan ölənlər alkoqol xəstəliyindən vəfat edənlərdən təxminən 5 dəfə azdır
Minsk, 3 may, AZƏRTAC
Belarusda ölüm halları azalır, koronavirus infeksiyasından ölənlər isə alkoqol xəstəliyindən vəfat edənlərdən təxminən 5 dəfə azdır.
AZƏRTAC BELTA-ya istinadla xəbər verir ki, bu barədə Belarus Prezidenti Aleksandr Lukaşenko ölkədə epidemioloji vəziyyətə dair keçirilən iclasda məlumat verib.
Prezidentin sözlərinə görə, mayın 2-nə olan statistikada Belarusda koronavirusdan 97 nəfər ölüb. Bu ilin 4 ayında isə ölkədə alkoqol xəstəliyindən 482 nəfər ölüb, 470 nəfər isə özünə qəsd edərək həlak olub. Baş verən yanğın nəticəsində 218, yol qəzasında 163 nəfər ölüb. Belarus sularında 89 nəfər boğulub. Göründüyü kimi koronavirusdan ölüm statistikası daha aşağıdır.
A.Lukaşenko qeyd edib ki, bu il Belarusda ölüm halları ötən ilin müvafiq dövrü ilə müqayisədə azalıb.
Emil Hüseynli
AZƏRTAC-ın xüsusi müxbiri
Minsk
Bölmənin digər xəbərləri
