Bərdə rayonunda heyvandarlıq məhsullarının istehsalı artmışdır
Bərdə, 13 noyabr (AZƏRTAC). Bərdə rayonunda heyvandarlıq məhsullarının istehsalı artmışdır.
Rayon statistika idarəsindən AZƏRTAC-a bildirmişlər ki, cari ilin doqquz ayında təsərrüfatlarda 87 min baş iribuynuzlu mal-qara, 136,2 min baş qoyun və keçi olmuşdur. Əvvəlki ilin eyni dövrü ilə müqaisədə iribuynuzlu mal-qaranın sayı 3 faiz, qoyun və keçilərin sayı 1,3 faiz çoxalmışdır.
Bu dövrdə rayonda 11 min 950 ton ət, 49 min 100 ton süd, 25,2 milyon ədəd yumurta, 430 ton yun istehsal edilmişdir. Əvvəlki ilə nisbətən ət istehsalı 7,6 faiz, süd istehsalı 9,6 faiz, yumurta istehsalı 10 faiz, yun istehsalı 7,5 faiz çox olmuşdur.
Bölmənin digər xəbərləri
