BƏRDƏLİ GƏNCLƏR “GƏNCLƏR İLİ”NİN VƏ VƏZİFƏLƏRİNİ MÜZAKİRƏ ETMİŞLƏR
AZƏRTAC-ın müxbiri xəbər verir ki, Bərdə Rayon Gənclər və İdman İdarəsi müxtəlif icra strukturlarında, qeyri-hökumət təşkilatlarında çalışan gənclərin, gənclər təşkilatı sədrlərinin yığıncağını keçirmişdir.
Qurumun rəisi Anar Şahbazovun məruzəsində gənclərlə aparılan işlər barədə məlumat verilmişdir. Qeyd olunmuşdur ki, ümummilli liderimiz Heydər Əliyev həmişə gənclərə böyük diqqət və qayğı göstərmiş, onları dövlətimizin ən aparıcı qüvvəsi hesab etmişdir. Hazırda bu kurs ölkə Prezidenti İlham Əliyev tərəfindən uğurla davam etdirilir. Azərbaycan Prezidenti tərəfindən 2007-ci ilin “Gənclər ili” elan edilməsi bunun parlaq təzahürüdür. “Azərbaycan Gəncliyi Dövlət Proqramı”nın qəbul olunması bu qayğının bariz nümunəsidir.
Natiqlər onlara göstərilən etimadı şərəflə doğruldacaqlarını vəd etmiş, göstərilən diqqət və qayğıya görə ölkə Prezidentinə dərin minnətdarlıqlarını bildirmişlər. Söz vermişlər ki, qarşıya qoyulan vəzifələrin həyata keçirilməsi üçün gənclik enerjilərini, bilik və bacarıqlarını əsirgəməyəcəklər.
Yığıncaq iştirakçıları Azərbaycan Respublikasının Prezidenti İlham Əliyevə müraciət qəbul etmişlər.
Bölmənin digər xəbərləri
