BEŞ FRANSIZ ALPİNİSTİ QAR UÇQUNUNUN ALTINDA QALMIŞDIR
AZƏRTAC-ın xüsusi müxbiri xəbər verir ki, aprelin 30-da beş fransız alpinisti İtaliyanın şimalında Böyük Cənnət dağında qar uçqununun altında qalmışdır.
Fransız alpinistləri və onları müşayiət etmiş bələdçi 2500 metr hündürlükdə baş vermiş qar uçqununun qurbanı olmuşlar. Xilasedicilər bələdçini tapa bilmişlər. O, dərhal xəstəxanaya yerləşdirilmişdir. Vəziyyəti ağır olduğundan ondan alpinistlər barədə məlumat əldə etmək mümkün olmamışdır.
Mayın 1-də axtarış xüsusi təlim görmüş itlərin köməyi ilə davam etdirilsə də, hələlik təsəlliverici bir xəbər yoxdur.
Xatırladaq ki, İtaliyada qar uçqunları bu il onlarla alpinistin həyatına son qoymuşdur.
Bölmənin digər xəbərləri
