BEŞ İL ƏVVƏL CİNAYƏT TÖRƏTMİŞ ŞƏXSLƏR TUTULMUŞLAR
Daxili İşlər Nazirliyinin mətbuat xidmətindən AZƏRTAC-a bildirmişlər ki, 2003-cü il dekabrın 4-də Hacıqabul rayonunun Pirsaat kəndi ərazisindən, Ələt-Yevlax yolunun 31-ci kilometrindən Rəcbər kənd sakini Elşən İbrahimov bədən xəsarətləri ilə huşsuz vəziyyətdə xəstəxanaya gətirilmişdi.
Faktla əlaqədar Azərbaycan Respublikası Cinayət Məcəlləsinin 263-cü maddəsi ilə cinayət işi başlanmışdı. Cinayət işinin istintaqı zamanı E.İbrahimovun naməlum şəxslər tərəfindən döyülməsi, habelə cinayətin izini itirmək məqsədi ilə yuxarıda qeyd edilən yerə atılması müəyyən edilmişdir.
Hacıqabul Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində E.İbrahimova xəsarətin Salyan rayon sakinləri Əmrah Salahov və Hüseyn Xəlilov tərəfindən yetirilməsi müəyyən olunmuş və onlar Cinayət Məcəlləsinin 126.2.1-ci maddəsi ilə təqsirli bilinərək tutulmuşlar.
Faktla bağlı araşdırmalar aparılır.
Bölmənin digər xəbərləri
